ក្រុមហ៊ុន Alibaba Group Holding បានរាយការណ៍អំពីការកើនឡើងនៃប្រាក់ចំណូល ចំនួន ៣៧ ភាគរយសម្រាប់ត្រីមាសចុងក្រោយ ដែលការកើនឡើងនេះត្រូវបានជំរុញដោយយុទ្ធនាការ Singles’ Day ខណៈក្រុមហ៊ុនពាណិជ្ជកម្មអេឡិចត្រូនិចយក្សមួយនេះ បន្តកិច្ចសហប្រតិបត្តិការកាន់តែជិតស្និទ្ធជាមួយអាជ្ញាធរចិនក្នុងការស៊ើបអង្កេតអំពីការអនុវត្តនយោបាយផ្តាច់មុខរបស់ខ្លួន។

ក្រុមហ៊ុន Tata Motors របស់ឥណ្ឌា បានប្រកាសពីការខាតបង់ប្រចាំត្រីមាស ដែលមានទំហំទឹកប្រាក់ជាង ១ ពាន់លានដុល្លារ។

នាយកប្រតិបត្តិក្រុមហ៊ុនផលិតរថយន្តអាមេរិក Ford បានប្រាប់សារព័ត៌មាន CNBC ថា ក្រុមហ៊ុន Ford Motor អាចផលិតអាគុយអគ្គិសនីរបស់ខ្លួន នៅក្នុងស្រុក នៅត្រឹមឆ្នាំ ២០២៥ ។

ដោយសារតែក្រុមហ៊ុនអាកាសចរណ៍ភាគច្រើននៅតែដំណើរការទាបជាងសមត្ថភាព ព្រោះតែបញ្ហាកូវីដ១៩ អ្នកលក់អាហារនៅតាមព្រលានយន្តហោះ នៅក្នុងប្រទេសវៀតណាម បានចាប់ផ្តើមលក់ម្ហូបរបស់ពួកគេទៅឲ្យភោជនីយដ្ឋាន សាលារៀន និងសណ្ឋាគារវិញ។